سن ياريمين قاصدي سن                     اگلش سنه چاي دئميشـم

خيــــاليني گوندريــب دي                    بسکه من آخ-واي دئميشم

آخ!گئجــه لر ياتماميشــام                     من سنه لاي-لاي دئميشم

ســن ياتالي ، من گوزومه                    اولدوزلاري ساي دئميشـم

هر کس سنـه اولدوز دئيه                    اوزوم سنــه آي دئميشـــم

سندن سونرا ، حيــاته من                    شيرين دئسه،زاي دئميشم

هر گوزه لدن بير گول آليب                    سن گوزه له پاي دئميشــم

سنين گون تک باتماغيـوي                    آي بـاتـانـا تــاي دئميشــــم

اينـــدي يايا قيش دئيــــرم                    سابيق قيشا ياي دئميشـم

گاه طويـووي ياده ساليـب                    من دلي ناي-ناي دئميشـم

سونـــرا يئنــه ياسه باتيب                    آغلاري هاي-هاي دئميشم

اتـــک دولي دريــا کيمـــي                     گوز ياشيما، چاي دئميشـم

عمره سوره ن من قره گون                    آخ دئميشم ،واي دئميشم